រដ្ឋសភាអនុម័តច្បាប់អនុញ្ញាតឱ្យដកសញ្ជាតិខ្មែរ

តំណាងរាស្រ្ដ១២០រូបបានលើកដៃយល់ព្រមអនុម័តជាឯកច្ឆន្ទលើសេចក្តីព្រាងច្បាប់ស្ដីពីវិសោធនកម្មច្បាប់ស្តីពីសញ្ជាតិ ដើម្បីអនុញ្ញាតឱ្យមានការដកសញ្ជាតិខ្មែរពីពលរដ្ឋដែលត្រូវចោទប្រព្រឹត្តអំពើក្បត់ជាតិ។ សង្គមស៊ីវិល៥០ស្ថាប័នបានលើកឡើងថា សេចក្ដីព្រាងច្បាប់នេះ អាចត្រូវបានចែងយ៉ាងស្រពិចស្រពិល ហើយអាចធ្វើឱ្យប៉ះពាល់ធ្ងន់ធ្ងរដល់សេរីភាពបញ្ចេញមតិរបស់ពលរដ្ឋ។